एसएस राजामौली निर्देशित फिल्म आरआरआरले बक्स अफिसमा यतिबेला धुम मच्चाइरहेको छ ।

पाँच सय ५० करोड बजेटमा बनेको यो फिल्मले हालसम्म विश्वभरबाट ९०० करोड भन्दा बढी कमाइ गरिसकेको छ ।

फिल्मको अपार सफलताको खुशीयालीमा अभिनेता राम चरणले आरआरआरको टिमलाई सुनको सिक्का उपहार दिएका छन् ।

रिपोर्टका अनुसार प्रत्येक सिक्का लगभग सय ग्रामको छ । कुल सिक्काको मूल्य १८ लाख भारु भन्दा बढी रहेको जनाइएको छ।

रामचरणले टिमका क्रुका मुख्य सदस्यलाई लन्चको लागि बोलाएर उनीहरुको सहयोगको लागि धन्यवाद दिँदै सिक्का उपहार दिएका हुन् ।

उक्त सुनको सिक्कामा एकतर्फ आरआरआर र अर्कोतर्फ राम चरणको नाम लेखिएको छ ।