काठमाडौं । राष्ट्रपति विद्यादेवी भण्डारीले नारायणप्रसाद दाहाल (चितवन) लाई राष्ट्रियसभा सदस्यमा मनोनित गरेकी छिन् । सरकारको सिफारिसमा दाहाल राष्ट्रिय सभामा मनोनित भएका हुन् ।

उनी माओवादी केन्द्रका अध्यक्ष पुष्पकमल दाहाल प्रचण्डका भाइ हुन् ।

निर्वाचन आचारसंहिता लाग्नुपूर्व नै दाहाललाई मनोनित गरिएको हो । रामनारायण बिडारीको पद सकिएपछि उनलाई मनोनित गरिएको हो ।

नेपालको संविधानको धारा ८६ को उपधारा २ को खण्ड ‘ख’ बमोजिम नेपाल सरकारको सिफारिसमा दाहाललाई राष्ट्रियसभामा मनोनित गरिएको राष्ट्रपति कार्यालयका प्रवक्ता सागर आचार्यद्वारा जारी विज्ञप्तिमा उल्लेख छ ।

दाहाल माओवादीका केन्द्रीय सदस्य ह्न । उनी यस अघि माओवादीको वाग्मती प्रदेश अध्यक्ष पनि भएका थिए ।

निर्वाचन आचारसंहिता सुरु हुनुपूर्व सरकारले एकपछि अर्को गर्दै यस्ता महत्वपूर्ण निर्णय गरेको हो ।