आत्मघाती गोलले खुमलटारलाई पहिलोपटक ‘ए’ डिभिजनमा पुर्यायो
काठमाडौं । खुमलटार युथ क्लब शहीद स्मारक ’ए’ डिभिजन लिग फुटबलमा बढुवा भएको छ ।
’बी’ डिभिजन लिगअन्तर्गत आफ्नो अन्तिम खेलमाआज सामाजिक युथ क्लबलाई २–१ गोल अन्तरले हराउँदै खुमलटार शीर्ष डिभिजनमा उक्लिएको हो ।
एन्फा कम्प्लेक्समा भएको खेलको इन्जुरी समयमा सामाजिकका विकास लिम्बूले आत्मघाती गोल गरेपछि खुमलटारले २–१ को जित निकाल्दै ‘ए’ डिभिजनमा बढुवा भएको हो ।
यसअघि सबिन केसीले १४ औं मिनेटमा गोल गर्दै खुमलटारलाई अग्रता दिलाएका थिए ।
तर, खेलको ५७ औं मिनेटमा सुरेश खत्रीले गोल गर्दै सामाजिकलाई १–१ गोलको बराबरीमा ल्याएका थिए ।
तर, लिम्बूले आत्मघाती गोल गरेपछि खुमलटारले २–१ को जित निकाल्न पुग्यो ।
जितसँगै खुमलटार ’बी’ डिभिजन लिगको दोस्रो स्थानमा रहँदै ‘ए’ डिभिजनमा उक्लिएको हो ।
खुमलटार पहिलोपटक शीर्ष डिभिजनमा बढुवा भएको हो ।
प्रतिक्रिया