यतिबेला भारतीय फिल्म आरआरआरले बक्स अफिसमा लगातार रेकर्ड तोडिरहेको छ । ५ सय ५० करोड बजेटमा बनेको यो फिल्म प्रदर्शनमा आएको तेस्रो हप्ता अर्थात् १६ दिनमै विश्वभरबाट हजार करोड भन्दा धेरै कमाइ गरिसकेको छ ।

भारतमा अभिनेता आमिर खान अभिनित दंगल र प्रभासको बाहुबली २ पछि हजार करोड क्लबमा प्रवेश गर्ने तेस्रो फिल्म बनेको छ आरआरआर ।

भारतमा सय करोड क्लबमा प्रवेश गर्ने अभिनेतामध्येमा आमिर खान, राना दगुबती र प्रभास थिए । यो सूचिमा अब रामचरण र जुनियर एनटिआर पनि प्रवेश गरेका छन् ।

फिल्ममा राम चरण तेजा, जुनियर एनटिआर, अजय देवगन र आलिया भट्टलगायतको अभिनय रहेको छ । फिल्मलाई एसएस राजामौलीले निर्देशन गरेका हुन् ।