काठमाडौं । मेलम्ची खानेपानी आयोजनाको पानी भोलि (मंगलबार) दोस्रो पटक उद्घाटन हुने विषय अहिले बाहिर आएको छ ।

मंगलबार अम्बाथान पुगेर प्रधानमन्त्री शेरबहादुर देउवा र खानेपानीमन्त्री उमाकान्त चौधरीले उद्घाटन गर्न लागेको समाचार विभिन्न सञ्चारमाध्यमा आइरहेको छ ।

तर, खानेपानी मन्त्रालयकै सूचना अधिकारीलाई भने प्रधानमन्त्री देउवाले भोलि मेलम्चीको पानी उद्घाटन गर्ने विषय जानकारी छैन ।

सूचना अधिकारीसमेत रहेका सहसचिव विनोदकुमार खनालले मेलम्चीको पानी भोलि काठमाडौं आउन लागेको विषय आफूलाई जानकारी नभएको बताए ।

प्रधानमन्त्री र खानेपानीमन्त्रीले उद्घाटन गर्ने विषयबारे त उनले झनै अनविज्ञता प्रकट गरे ।

‘प्रधानमन्त्रीले भोलि मेलम्चीको पानी उद्घाटन गर्ने भन्ने विषय औपचारिक रूपमा निर्णय भएको छैन’, नेपालवाचसँग उनले भने, ‘यो विषय मलाई कसैले जानकारी नै दिएको छैन ।’