काठमाडाैं । धौलागिरी हिमाल आरोहण गर्ने क्रममा ग्रीसका एक प्रख्यात आरोहीको आज बिहान मृत्यु भएको छ । आधार शिविरका स्रोतले उनको मृत्यु भएको पुष्टि गरेको हो ।

धाैलागिरीबाट तल ओर्लने क्रममा बिरामी परेका एन्टोनियोस साइकारिसको ७ हजार ४०० मिटरको उचाइमा मृत्यु भएको स्रोतले जनाएको छ । ग्रीक अल्पाइनिस्टले आफ्ना गाइड दावा शेर्पाले सोमबार ८ हजार १६७ मिटर अग्लो हिमालको आरोहण गरेका थिए ।

सेभेन समिट ट्रेक्सले आयोजना गरेको आरोहण अभियानमा सहभागी भएर एन्टोनियोसले यसअघि सगरमाथा, ल्होत्से र अन्नपूर्ण हिमाल आरोहण गरिसकेका छन्र । यसमा दावाले सहयोग गरेका थिए ।

सेभेन समिट ट्रेकले दावाको उद्धार गर्न र उच्च शिविरबाट एन्टोनियोसको शव संकलन गर्न टोली परिचालन गरिसकेको एसएसटीका अध्यक्ष मिट शेर्पाले घटनाबारे उनको परिवारलाई जानकारी गराइएको बताए।