काठमाडाैं । मंगलबार बढेको सुनको मूल्य बुधबार पनि बढेको छ । नेपाली सुनचाँदी बजारमा आज सुनको मूल्य ६ सय रूपैयाँ बढेर एक लाख एक हजार पाँच सय रूपैयाँमा कारोबार भइरहेको हो ।

नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला ८ सय रूपैयाँ बढेर एक लाख ९ सय रूपैयाँमा कारोबार भएको थियो । सोमबार सुन प्रतितोला २ सय रूपैयाँ घटेको थियो ।

त्यस्तै आइतबार सुनको मूल्य तोलामा ८ सय रूपैयाँ बढेर एक लाख ३ सय रूपैयाँमा कारोबार भएको थियो । आज तेजाबी सुनको भाउ पनि प्रतितोला ६ सय रूपैयाँले नै बढेर एक लाख एक हजार रुपैयाँमा कारोबार भइरहेको छ ।

त्यस्तै मंगलबार तोलामा १५ रूपैयाँ बढेको चाँदी बुधबार २० रूपैयाँ बढेको छ । महासंघका अनुसार बुधबार चाँदी एक हजार ४ सय रूपैयाँमा कारोबार भइरहेको हो । मंगलबार चाँदी प्रतितोफा एक हजार ३८० रूपैयाँमा भएको थियो ।