सुनको मूल्य ५०० रुपैयाँ बढ्यो, १ लाख २ हजार ५०० रूपैयाँमा कारोबार हुँदै

ट्राफिक कारबाहीमा एकै दिन २२ लाख ७६ हजार राजस्व संकलन

सुनको मूल्य ५०० रुपैयाँ बढ्यो, १ लाख २ हजार ५०० रूपैयाँमा कारोबार हुँदै

नेपालवाच २०७९ वैशाख ५ गते ११:५७

काठमाडौं । आइतबार स्थिर सुनको मूल्य सोमबार बढेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला पाँच सय रुपैयाँ बढेर एक लाख दुई हजार पाँच सय रुपैयाँमा कारोबार भइरहेको हो ।

आइतबार सुनको मूल्य प्रतितोला एक लाख दुई हजार रुपैयाँमा कारोबार भएको थियो । त्यस्तै आज तेजावी सुन एक लाख दुई हजार रुपैयाँमा कारोबार भइरहेको छ । त्यस्तै आज चाँदी तोलामा पाँच रुपैयाँ बढेको छ ।

महासंघका अनुसार आज चाँदी प्रतितोला एक हजार ४२० रुपैयाँमा कारोबार भइरहेको छ । हिजो चाँदी तोलामा एक हजार ४१५ रुपैयाँमा कारोबार भएको थियो ।