काठमाडौं । नबिल बैंक चालु आर्थिक वर्षको तेस्रो त्रैमास अन्त्यको वित्तीय विवरण सार्वजनिक गरेको छ । वित्तिय विवरण सार्वजनिक गर्नेमा नबिल बैंक पहिलो बैंक बनेको छ ।

बैंकले मंगलबार अपरिस्कृत वित्तीय विवरण प्रकाशन गरेको हो । बैंकले चालु आवको ९ महिनामा ३ अर्ब ३५ करोड २० लाख ४३ हजार रुपैयाँ खुद नाफा आर्जन गरेको छ । यो खुद मुनाफा बैंकले अघिल्लो आवको सोही अवधिको तुलनामा ३३ करोड रुपैयाँ कम हो ।

बैंकले गत आवको पहिलो ९ महिनामा ३ अर्ब ६७ करोड ९८ लाख रुपैयाँ नाफा गरेको थियो । बैंकको सीडी रेसियो ९१.४७ प्रतिशत छ भने बेसरेट ८.२२ प्रतिशत र ब्याजदर स्प्रेड ३.७३ प्रतिशत छ ।

९ महिनाको अन्त्यसम्म बैंकको प्रतिसेयर आम्दानी घटेर २४ रुपैयाँ ३९ पैसा कायम भएको छ । बैंकको खराव कर्जाको दर बढेर १.१४ प्रतिशत पुगेको छ । यस्तै पीई रेसियो ३९.८२, नेटवर्थ १९०.२९ रुपैयाँ छ ।