काठमाडाैं । मंगलबार घटेको सुनको मूल्य बुधबार पनि घटेको छ । नेपाली सुनचाँदी बजारमा बुधबार सुनको मूल्य एक हजार पाँच सय रूपैयाँ घटेको छ ।

नेपाल सुनचाँदी व्यवसायी महासंघका अनुसार बुधबार सुनको मूल्य एक लाख ६ सय रूपैयाँमा कारोबार भइरहेको हो । मंगलबार छापावाल सुन प्रतितोला ४ सय रूपैयाँ घटेर एक लाख २ हजार १ सय रूपैयाँमा कारोबार भएको थियो ।

सोमबार भने सुनको मूल्य बढेको थियो । सोमबार सुनको मूल्य प्रतितोला पाँच सय रुपैयाँ बढेर एक लाख दुई हजार पाँच सय रुपैयाँमा कारोबार भएको थियो । आइतबार भने सुनको मूल्य स्थिर थियो । आइतबार सुनको मूल्य प्रतितोला एक लाख दुई हजार रुपैयाँमा कारोबार भएको थियो ।

त्यस्तै आज तेजावी सुन एक लाख एक सय रूपैयाँमा कारोबार भइरहेको छ । मंगलबार तेजावी सुन प्रतितोला एक लाख एक हजार ६ सय रूपैयाँमा कारोबार भएको थियो ।

सुनको मूल्य १५०० रूपैयाँले घट्दा मंगलबार स्थिर चाँदी आज प्रतितोला ३५ रूपैयाँ घटेको छ । महासंघका अनुसार मंगलबार प्रतितोला एक हजार ४२० रूपैयाँमा कारोबार भएको चाँदी बुधबार एक हजार ३८५ रूपैयाँमा कारोबार भइरहेको हो ।