काठमाडौं । दिल्ली क्यापिटल्सले पन्जाब किङ्सलाई हराएको छ । इण्डियन प्रिमियर लिग (आइपिएल) अन्तर्गतको खेलमा दिल्लीले पञ्जाबलाई ९ विकेटले हराएको हो ।

पञ्जाबले दिल्लीलाई ११६ रनको लक्ष्य दिएकोमा उसले १० ओभर ३ बलमा मात्र १ विकेट गुमाएर त्यसलाई पूरा गर्यो । दिल्लीका लागि डेभिड वार्नर एक्लैले ६० रनको अर्धशतकीय योगदान गरे । पञ्जाबका राहुल चाहरले १ बिकेट लिए ।

पञ्जाबले २० ओभरमा अलआउट हुँदै ११५ रन जोडेको थियो । दिल्लीका खलिल अहमेद,ललित यादव, कुलदीप यादव र अक्षर पटेलले २÷२ विकेट लिए ।

योसँगै दिल्लीले ६ अंक जोडेर छैटौं स्थान लिएको छ । पञ्चाव आठौंमा छ । उसले सात खेलमा ६ अंक जोडेको छ ।