काठमाडौं । प्रमुख प्रतिपक्षी दल नेकपा एमाले सचिवालय को बैठक आज बस्दैछ । सत्तागठबन्धनले महानगर र उपमहानगरको भागबण्डा टुंग्याएको भोलिपल्ट एमाले सचिवालय बैठक बस्न लागेको हो ।

बैठक अहिले दिउँसो १ बजे एमाले अध्यक्ष केपी शर्मा ओलीको बालकोटस्थित निवासमा बस्ने तय छ ।

बैठकमा ६ महानगर र ११ उपमहानगरपालिकाका उम्मेदवारबारे छलफल हुने बताइएको छ । यी स्थानका उम्मेदवारबारे नगर कमिटीले सिफारिस गरेर केन्द्रमा पठाए पनि चुनाव आउन २१ दिन बाँकी छँदासमेत टुंगो लाग्न सकेको छैन ।

पार्टी केन्द्रले महानगर र उपमहानगरको उम्मेदवारबारे टुंगो नलगाउँदा नेता तथा कार्यकर्तामा अन्योल छ ।

त्यसअघि आजै एमाले केन्द्रीय सल्लाहकार परिषदको पनि बैठक बस्दैछ ।