काठमाडौं । भोलिबाट देशभर एसइई परीक्षा सञ्चालन हुने भएको छ । गत दुई वर्षदेखि राष्ट्रिय परीक्षा बोर्डले कोरोना महामारीका कारण एसइई परीक्षा लिन पाएको थिएन । बोर्डले दुई वर्ष नै आन्तरिक मूल्याङकनद्वारा परीक्षार्थीको नतिजा सार्वजनिक गरेको थियो ।

यस वर्ष भने बोर्डले परीक्षा सञ्चालन गर्ने भएको छ । यस वर्ष परीक्षा दिने परीक्षार्थी ५ लाख १४ हजार ७ सय ६० रहेको बोर्डले जानकारी गराएको छ । एसइई परीक्षा नियन्त्रक अर्जुन रायमाझीले परीक्षाको लागि आवश्यक सामग्री तथा प्रश्नपत्रसहित उत्तर पुस्तिका सबै प्रदेशमा पुगिसकेको उनले बताए ।

बोर्डले परीक्षाका लागि दुई हजार सात परीक्षा केन्द्र र एक उपकेन्द्र निर्धारण गरेको छ ।