काठमाडाैं । साताको अन्तिम दिन सुनको मूल्य स्थिर छ । नेपाल सुनचाँदी व्यवसायी महासंघका अनुसार शुक्रबार सुनको मूल्य बिहीबारकै मूल्य अर्थात एक लाख ९ सय रूपैयाँमा कारोबार भइरहेको हो ।

बिहीबार सुनको मूल्य ३ सय रूपैयाँ बढेको थियो । बुधबार भने सुनको मूल्य घटेको थियो । उक्त दिन सुनको मूल्य तोलामा एक हजार पाँच सय रूपैयाँ घटेर एक लाख ६ सय रूपैयाँमा कारोबार भएको थियो । त्यस्तै मंगलबार पनि सुनको मूल्य प्रतितोला ४ सय रूपैयाँ घटेर एक लाख २ हजार १ सय रूपैयाँमा कारोबार भएको थियो ।

सोमबार भने सुनको मूल्य बढेको थियो । सोमबार सुनको मूल्य प्रतितोला पाँच सय रुपैयाँ बढेर एक लाख दुई हजार पाँच सय रुपैयाँमा कारोबार भएको थियो । आइतबार सुनको मूल्य स्थिर थियो । आइतबार सुनको मूल्य प्रतितोला एक लाख दुई हजार रुपैयाँमा कारोबार भएको थियो ।

त्यस्तै आज तेजावी सुनको  मूल्य पनि स्थिर छ । बिहीबार तेजावी सुन प्रतितोला एक लाख ४ सय रूपैयाँमा कारोबार भएकोमा  आज पनि सोही मूल्यमा कारोबार भइरहेको हो।

बिहीबार तोलामा ५ रूपैयाँ घटेको चाँदी आज २० रूपैयाँ घटेको छ । महासंघका अनुसार बिहीबार एक हजार ३८० रूपैयाँमा कारोबार भएको चाँदी आज एक हजार ३६० रूपैयाँमा कारोबार भइरहेको हो ।