लन्डन । बेलायतले रुसलाई वार्तामा अवरोध गर्ने र युक्रेनीहरूको जासुसी गर्न प्रयोग हुने इलेक्ट्रोनिक उपकरण निर्यातमा प्रतिबन्ध लगाएको छ । अन्तर्राष्ट्रिय व्यापार विभागले पनि युक्रेनबाट आयात हुने उत्पादनहरूमा लगाइएको शुल्क हटाउने घोषणा गरेको छ ।

युक्रेनी राष्ट्रपति भोलोदिमिर जेलेन्स्कीको अनुरोधमा बेलायतले यो निर्णय गरेको हो । उनले देशको अर्थतन्त्रलाई सम्हाल्न सहयोगका लागि आग्रह गरेका थिए । बेलायतले हाल १० महिनाका लागि यी शुल्कहरु हटाएको छ ।

बेलायतले यसअघि रुसलाई उड्डयन र अन्तरिक्षसँग सम्बन्धित उपकरण, तेल प्रशोधन गर्ने वस्तु र क्वान्टम कम्प्युटिङ जस्ता उन्नत प्रविधिको निर्यातमा प्रतिबन्ध लगाएको छ ।