काठमाडाैं । आइतबारयता सुनको मूल्य निरन्तर घटिरहेको छ । नेपाल सुनचाँदी व्यवसायी महासंघका अनुसार बुधबार सुनको मूल्य तीन सय रूपैयाँ घटेर ९९ हजार रूपैयाँमा कारोबार भइरहेको हो ।

मंगलबार छापावाल सुन प्रतितोला नौ सय घटेर ९९ हजार ३ सय रूपैयाँमा कारोबार भएको थियो । त्यस्तै छापावाल सुन सोमबार तीन सय रूपैयाँ र आइतबार चार सय रूपैयाँ घटेको थियो ।

त्यस्तै मंगलबार प्रतितोला ९८ हजार ८ सय रुपैयाँमा कारोबार भएको तेजावी सुन आज ९८ हजार ५ सय रूपैयाँमा कारोबार भइरहेको छ ।

मंगलबार स्थिर चाँदी आज प्रतितोला १० रूपैयाँ घटेको छ । महासंघका अनुसार बुधबार चाँदी प्रतितोला एक हजार ३४० रूपैयाँमा कारोबार भइरहेको हो । मंगलबार चाँदी प्रतितोला एक हजार ३५० रूपैयाँमा कारोबार भएको थियो ।