काठमाडौँ । ललितपुर महानगरपालिकाको मेयरका उम्मेदवार चिरिबाबु महर्जनमाथि आर्थिक पारदर्शीताको उजुरी परेको छ ।

नेपाली कांग्रेसका तर्फबाट फेरि मेयरको उम्मेदवार बनेका महर्जनमाथि अघिल्लो कार्यकालमा आर्थिक पारदर्शीता कायम राख्न नसकेको भन्दै उजुरी दर्ता भएको हो ।

पाँच बर्ष महानगरको नेतृत्व गर्दा २ अर्ब १५ करोडभन्दा बढी बेरुजु फछ्यौट नगरेको भन्दै उनीमाथि निर्वाचन अधिकृतको कार्यालयमा उजुरी परेको हो ।

बेरुजु भ्रष्टाचार होईन, तर बेरुजु अंक बढ्नुलाई भ्रष्टाचार बढेको अर्थमा बुझिन्छ । बेरुजु भनेको खर्च भएको पैसामा स्पष्ट हिसाब प्रमाणित गर्न नसकेको अंक हो ।