काठमाडौं । इण्डियन प्रिमियर लिग (आइपिएल) मा गुजरात टाइटन्सले सातौं जित हासिल गरेको छ । गएराति सम्पन्न खेलमा सनराइजर्स हैदरावादलाई हराउँदै गुजरात विजयी भएको हो ।

हैदरावादले १९६ रनको लक्ष्य दिएकोमा गुजरातले अन्तिम ओभरको अन्तिम बलमा ५ विकेट गुमाएर पूरा गर्यो ।

गुजरातका लागि ऋद्धिमान साहले ६८, शुभमन गिल २२ र डेभिड मिलरले १७ रनको योगदान दिए । त्यसैगरी, राहुल तेवटियाले ४० तथा राशिद खानले ३१ रनको नटआउट पारी खेले ।

पहिले ब्याटिङ गरेको हैदरावादले निर्धारित ओभरमा ६ विकेट गुमाएर १९५ रन बनायो । हैदरावादका लागि अभिषेक शर्माले ६५, एडेन मार्करमले ५६ शशांक सिंहले २५ रन जोडे ।

योसँगै गुजरात ८ खेलबाट १४ अंक जोड्दै शीर्ष स्थानमा उक्लिन सफल भएको छ । राजस्थान रोयल्स दोस्रो हैदराबाद तेस्रो स्थानमा छन्।