नेपालका रेडपाण्डा संरक्षणकर्मीलाई विश्वकै प्रतिष्ठित अवार्ड

त्रिशूली-३ ‘ए’ सुरुङभित्रबाट आयाे मानिसकाे आवाज

नेपालका रेडपाण्डा संरक्षणकर्मीलाई विश्वकै प्रतिष्ठित अवार्ड

नेपालवाच २०७९ वैशाख १६ गते ९:४०

काठमाडौं । नेपालका रेडपाण्डा संरक्षणकर्मी सोनाम लामाले विश्वकी प्रतिष्ठित अवार्ड पाएका छन् । लामो समयदेखि रेडपाण्डाको संरक्षण कार्यमा सक्रिय लामालाई ह्विटली फण्ड फर नेचर (डब्लुएफएन) अवार्ड दिइएको हो ।

लामा ताप्लेजुङ, यामफुदिनका स्थायीबासिन्दा हुन् । उनीसहित पाँच जना यो अवार्डबाट सम्मानित भएका छन् । लामा यो अवार्डबाट पुरस्कृत हुने दोस्रो नेपाली हुन् । यसअघि सन् २००५ मा चराविद् हेमसागर बराल पुरस्कृत भएका थिए ।

बुधबार राति आयोजित एक कार्यक्रममा उनलाई डब्लुएफएनका संरक्षक सर डेभिड एटनबर्गले अवार्ड वितरण गरे । उनले करिब ६२ लाख नेपाली रूपैयाँ नगद पनि पाएका छन् ।