कांग्रेस नेता आलमको मुद्दाको पेसी आज
काठमाडौं । नेपाली कांग्रेसका नेता अफताब आलमविरुद्धको मुद्दाको पेसी आजलाई तोकिएको छ । यसअघि हेर्दाहेर्दैमा मुद्दाको सुनुवाइ आज हुँदैछ । उनीविरुद्धको मुद्दा सुनुवाइ गर्न सर्वोच्च अदालका न्यायाधीशद्वय सुष्मालता माथेमा र नहकुल सुवेदीको संयुक्त इजलासमा पेसी तोकिएको छ ।
पूर्वमन्त्रीसमेत रहेका आलमविरुद्ध विस्फोटक पदार्थ र बम प्रयोग गरी ज्यान मारेको अभियोगमा मुद्दा चलिरहेको छ ।
यसअघि पनि पटकपटक पेसी तोकिएको थियो, तर सुनुवाइ भएको छैन । यो मुद्दा सात पटक स्थगित भएको थियो भने पाँचपटक हेर्न नमिल्नेमा राखिएको थियो । यस्तै चारपटक हेर्न नभ्याइनेमा पारिएको थियो ।
यसअघि जिल्ला अदालत रौतहटको पुर्पक्षका लागि आलमलाई थुनामा राख्न दिएको आदेश उच्च अदालत वीरगञ्जले सदर गरको थियो । सोविरुद्ध आलमले सर्वोच्चमा ०७७ मा फैसला बदरको माग गर्दै निवेदन दिएका थिए ।
०६४ को संविधानसभाको निर्वाचनका बेला रौतहबाट उठेका आलमले चुनाव जित्न बम आतंक फैलाउन खोजेका थिए । बम बनाउने क्रममा विस्फोट भएको थियो । चैत २७ गते भएको उक्त घटानाका घाइतेहरूलाई ज्युँदै इँटाभट्टामा हालेर हत्या गरेको उनीमाथि अभियोग छ ।
यो घटना १२ वर्षपछि बाहिरिएको थियो । त्यसपछि उनी सांसद पदबाट निलम्बित भएका छन् । अहिले उनी थुनामा छन् ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया