काठमाडौं । त्रिभुवन अन्तर्राष्ट्रिय विमानस्थलमा शंकास्पद वस्तु रहेको हल्ला चलेपछि उडान प्रभावित भएको छ । विमानस्थलको आन्तरिक उडान हुने स्थानमा शंकास्पद वस्तु भेटिएको हल्ला चलेपछि उडान प्रभावित भएको हो ।

एक व्यक्तिले आन्तरिक उडानतर्फ बम रहेको टेलिफोनमार्फत जानकारी दिएको त्रिभुवन अन्तर्राष्ट्रिय विमानस्थल कार्यालयले जनाएको छ । तर अहिलेसम्म शंकास्पद वस्तु फेला परेको भने छैन ।

शंकास्पद वस्तु रहेको आशंकापछि आन्तरिक उडानका लागि पुगेका यात्रुलाई बाहिर निकालिएको छ । शंकास्पद वस्तु रहे÷नरहेकोबारे अहिले नेपाली सेना, सशस्त्र प्रहरी र नेपाल प्रहरीको टोलीले अनुसन्धान गरिरहेको छ ।

बमको हल्लाले आन्तरिक उडान प्रभावित रहे पनि अन्तर्राष्ट्रिय उडान भने पूर्ववत् जारी छ ।