काठमाडौं । इन्डियन प्रिमियर लिग (आइपीएल) टि–ट्वान्टी क्रिकेटमा रोयल च्यालेन्जर्स बैंगलोरले चेन्नई सुपर किङ्सलाई हराएको छ ।

बुधबार राति पुनेमा सम्पन्न खेलमा बैंग्लोरले चेन्नई सुपर किङ्सलाई १३ रनले पराजित गरेको हो ।

पहिले ब्याटिङ गरेको बैंगलोरले २० ओभरमा ८ विकेट गुमाएर १ सय ७३ रन बनायो । बैंग्लोरले जोडेको १ सय ७३ रनमा महिपाल लोमरोरले ४२, फाप डु प्लेसिसले ३८ र विराट कोहलीले ३० रनको योगदान दिए ।

बैंगलोरको १ सय ७४ रनको लक्ष्य पछ्याएको चेन्नईले २० ओभरमा ८ विकेट गुमाएर १ सय ६० रन मात्र बनाउन सक्यो ।

चेन्नईका लागि डेभोन कोन्वेले ५६ रन जोड्दा मोइन अलीले ३४ र रुतुराज गायकवाडले २८ रन बनाए ।

योसँगै बैंगलोर ११ खेलमा १२ अंक जोडेर चौंथो स्थानमा छ भने चेन्नई १० खेलमा ६ अंक हासिल गरेर नवौं स्थानमा छ ।