काठमाडौं । कोलकत्ता नाइट राइडर्सले मुम्बई इण्डियन्सलाई हराएको छ । इण्डियन प्रिमियर लिग (आइपिएल) अन्तर्गत गएराति सम्पन्न खेलमा मुम्बईलाई ५२ रनले पराजित गर्दै कोलकत्ता विजयी बनेको हो ।

कालेकत्ताले १ सय ६६ रनको लक्ष्य दिएकोमा १७ ओभर ३ बलमा अलआउट हुँदै मुम्बईले १ सय १३ रन मात्र बनाउन सफल भयो ।

मुम्बईका लागि इशान किशनले ५१ रनको अर्धशतकीय इनिङ खेले भने टिम डाभिडले १३, रामनदीप सिंहले १२ र केइरन पोलार्डले १५ रनको योगदान दिए ।

यो क्रममा कोलकत्ताका प्याट कमिन्सले ३ आन्द्रे रसेलले २ विकेट लिएका थिए ।

पहिले ब्याटिङ गरेको कोलकत्ताले २० ओभरमा ९ विकेट गुमाएर १ सय ६५ रन बनाएको थियो । कोलकत्ताका लागि नितिश राना र भेन्काटेस एयरले समान ४३ , ४३ रन बनाउँदा अजिन्का रहानेले २५ र रिन्कु सिंहले २३ रनको योगदान दिएका थिए । मुम्बईका जस्प्रित बुम्राहले ५ र कुमार कार्तिकेयाले क्रमशः ५ र २ विकेट लिए ।

योसँगै कोलकत्ता १२ खेलबाट १० अंक बनाउँदै सातौं स्थानमा छ भने मुम्बई ११ खेलबाट मात्रै ४ अंक जोड्न सफल भएको छ ।