काठमाडौं । संस्कृति, पर्यटन तथा नागरिक उड्डयन मन्त्री प्रेमबहादुर आलेलाई निर्वाचन आयोगले स्पष्टीकरण सोधेको छ । आचारसंहिताविपरीत गतिविधि गरेको भन्दै आयोगले उनीसँग २४ घण्टे स्पष्टीकरण सोधेको हो ।

मन्त्री आलेले निर्वाचन आचारसंहिताविपरीत गतिविधि गरेको उजुरीपछि उनलाई स्पष्टीकरण सोधिएको निर्वाचन आयोगले जनाएको छ ।

आलेमाथि चुनावी सभामा सहभागी बनेर पदीय मर्यादाविपरीत मत मागेको, विपक्षीमाथि निराधार आरोप लगाएर भाषण गरेको, मतदाता प्रभावित पार्न भोजभतेर र रकम बाँडेको आरोप छ । डोटीको जोरायल गाउँपालिकाका एमाले उम्मेदवार दुर्गादत्त ओझाको चरित्र गर्ने भिडियो सम्प्रेषण गरेको उजुरी पनि आलेविरुद्ध निर्वाचन आयोगमा परेका थियो ।