मतदान गर्न स्ट्रेचरमा लगिएका एक वृद्धको मृत्यु

नेपालवाच २०७९ वैशाख ३० गते १५:४०

बैतडी । बैतडीको पाटन नगरपालिका ६ मा मतदान गर्न कृष्ण माविको मतदानस्थलमा गएका एक वृद्धको मृत्यु भएको छ ।

मतदान गर्न गएका पाटन नगरपालिका ६ टुडेगैरका ७० वर्षीय कमल सिंह विष्टको मृत्यु भएको जिल्ला प्रहरी कार्यालय बैतडीका प्रहरी निरीक्षक लोकराज जोशीले जानकारी दिए ।

उनलाई स्ट्रेचरमा बोकेर मतदान स्थलमा पुर्याइएको थियो । मतदान स्थलमै अकस्मात बेहोस भएका बिष्टको उपचारका क्रममा मृत्यु भएको हो ।

यसअघि बिहान दोगडाकेदार गाउँपालिका ३ स्थित सनातन धर्म मावि श्रीकोट मतदान केन्द्रमा भोट हाल्न गएका दोगडाकेदार ३ कफल्टाका ८४ वर्षीय हरिसिंह भाटको पनि मृत्यु भएको थियो ।