काठमाडौं । काठमाडौंको बूढानीलकण्ठ नगरपालिका-३ मा स्वतन्त्र उम्मेदवार आकाश धिताल विजयी भएका छन् । धितालले नेकपा एमालेका राजेन्द्र खड्कालाई हराउँदै ५ सय १२ मत ल्याएर विजयी भएका हुन् । खड्काले ४ सय ७४ मत प्राप्त गरेका छन् ।

याे क्षेत्र प्रधानमन्त्री तथा कांग्रेस सभापति शेरबहादुर देउवाकाे निवास रहेकाे क्षेत्र हाे ।

त्यसैगरी नेपाली कांग्रेसका नवराज भण्डारीले ३ सय १२, नेकपा एकीकृत समाजवादीका रवि श्रेष्ठले २ सय ७४ र राप्रपाका अशोक जिसीले ८३ मत प्राप्त गरेको निर्वाचन कार्यालयले जनाएको छ ।

यसबाहेक वडा नम्बर १ मा वडाध्यक्षमा एमालेका सुरेन्द्र लामा र वडा नम्बर २ मा एमालेका राजेन्द्र श्रेष्ठ विजयी भएका हुन् ।