काठमाठौं । विवेकशील साझा पार्टीले स्थानीय तहको निर्वाचनमा अपेक्षाकृत नतिजा प्राप्त गर्न सकेकामा आफूहरु दुःखी भएको बताएको छ ।

सोमबार पार्टीका प्रवक्ता शरदराज पाठकले विज्ञप्ति जारी गर्दै स्थानीय निर्वाचनमा राजनीतिक दलका लागि अत्यावश्यक विषयवस्तुको परिपूर्ति गर्न नसकेकाले पनि परिणाम सोचेअनुरुपको हुन नसकेको बताएका छन् ।

पार्टीमा निरन्तर समय दिन सक्ने जनशक्ति र आर्थिक स्रोतको अभावले देशव्यापी संगठन बनाउन नसकेका कारण हार ब्यहोर्नु परेको उनले स्वीकारे ।

विज्ञप्तिमा लेखिएको छ, ‘पार्टीमा हामीले टुटफुट लगायत वैचारिक ध्रुवीकरणले ल्याएको उथलपुथल पनि ब्यहोर्नुपऱ्यो । हाम्रोजस्तो आशा गरिएको पार्टीभित्रको त्यो उतारचढावलाई मतदाताले मन नपराएको प्रस्ट देखियो । हामी त्यसमा क्षमा प्रार्थी छौं । अपवादलाई छोडेर, पार्टी निर्माणको स्वाभाविक प्रसव पीडाबाट पार नगरी संसारमा कुनै पनि पार्टी र नेतृत्व निर्माण भएको छैन। गत ५ वर्ष हामी त्यही प्रक्रियाबाट गुज्रियौं । यो तथ्यलाई पनि मनन गरिदिन हामी विनम्र आग्रह गर्दछौं ।’

विवेकशील पार्टीले ५ वर्षकाे अवधिमा धेरै कुरा सिकेकाे र ती सिकाइका आधारमा निर्मम समीक्षा गर्ने पनि उल्लेख गरिएकाे छ ।

यस्ताे छ विज्ञप्ति :

प्रेस विज्ञप्ति: स्थानीय निर्वाचन २०७९ को जारी नतिजाबारे