काठमाडौं । युनाइटेड इन्स्योरेन्स कम्पनीले २८औं वार्षिक साधारण सभा गर्ने भएको छ । कम्पनीले आउँदो जेठ २३ गते अनमोल बैंङ्क्वेट शंखमुलमा बिहान ११ बजे गर्ने भएको हो ।

साधारण सभामा कम्पनीले बीमा समितिको निर्देशनअनुसार चुक्ता पुँजी दुई अर्ब ५० करोड रुपैयाँ पुर्याउन निर्जीवन बीमा कम्पनीसँग मर्ज हुनेसम्बन्धी निर्णय गर्न र हस्तक्षरसमेत गर्ने एजेण्डा बोकेको छ । त्यस्तै कम्पनीले चल अचल सम्पती र दायित्व मूल्यांकन गर्न सञ्चालक समितिलाई अख्तियारी प्रदान गर्ने, डिडिए गर्नका लागि मान्यता प्राप्त मूल्यांकन कर्ताको नियुक्ति तथा पारिश्रमिक तोक्ने लगायतका मर्जरसम्बन्धी कार्यक्रम रहेको पनि कम्पनीले जनाएको छ ।

साथै कम्पनीले संस्थापक सेयर धनीको प्रतिनिधित्व गर्ने गरी चार जना र सर्वसाधारण सेयरधनीको तर्फबाट दुई जना गरी जम्मा ६ जना सञ्चालकको समेत निर्वाचन गर्ने तय गरेको छ ।