काठमाडौं । गत स्थानीय तह निर्वाचनमा विपक्षीलाई परास्त गर्दै गाउँपालिका अध्यक्षमा जितेका एक उम्मेदवार यसपटक वडा सदस्यमै पराजित भएका छन् ।

तेह्रथुमको आठराई गाउँपालिकाका निवर्तमान अध्यक्ष मानबहादुर लिम्बूले पदबाट राजीनामा दिएर वडा नं. ७ को खुला सदस्यमा उम्मेदवारी दिएका थिए । जिल्ला समन्वय समितिमा जान उनले यस्तो निर्णय लिएका थिए । तर उनलाई आफ्नै वडाबासीले हराएका छन् ।

दुई सिटको खुला सदस्यका उम्मेदवार उनले एमालेका हरिप्रसाद पराजुलीले ल्याएको ५८३ र कुमार कन्दङ्वाले ल्याएको ५७१ मतभन्दा बढी ल्याउनुपर्ने हुन्थ्यो । तर ३३९ मतमा नै रोकिए ।

लिम्बू एमाले विभाजनपछि माधवकुमार नेपाल समूहतिर लागेका थिए ।