काठमाडाैं । आइतबार घटेको सुनको मुल्य मंगलबार सामान्य बढेको छ । सोमबार बुद्धजयन्तीको अवसरमा सार्वजनिक विदा परेकाले सुनचाँदीको कारोबार भएको थिएन ।

नेपाल सुनचाँदी व्यवसायी महासंघका अनुसार मंगलबार सुनको मूल्य २ सय रूपैयाँ बढेर ९६ हजार सात सय रूपैयाँमा कारोबार भइरहेको छ । आइतबार छापावाल सुन तोलामा एक हजार ३०० रुपैयाँले घटेर ९६ हजार ५०० मा कारोबार भएको थियो ।

त्यस्तै आइतबार प्रतितोला ९६ हजार रूपैयाँमा कारोबार भएको तेजाबी सुन मंगलबारको लागि ९६ हजार २ सय रूपैयाँ तोकिएको छ । आइतबार चाँदी १० रुपैयाँले घटेर एक हजार २४० रुपैयाँमा कारोबार भएकोमा आज २० रूपैयाँ बढेर एक हजार २६० रूपैयाँमा कारोबार भइरहेको हो ।