काठमाडाैं। कैलालीका लम्कीचुहा नगरपालिका प्रमुख र उपप्रमुख दुवैमा महिला निर्वाचित भएका छन् । सो नगरपालिकामा प्रमुखमा नेपाली कांग्रेसका उम्मेदवार सुशीला शाही १२ हजार ७१३ मत ल्याई विजयी भएकी छिन् ।

उनले निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार महादेव बजगाईलाई २ हजार २७८ मतान्तरले पराजित गरेकी हुन् । पराजित महादेव बजगाईले १० हजार ४३५ मत ल्याएका छन् ।

यस्तै उपप्रमुखमा नेपाल कम्युनिष्ट पार्टी (एमाले) की उम्मेदवार जुना चौधरी ११ हजार ७०८ मत ल्याएर निर्वाचित भएकी छिन् । उनका निकटतम प्रतिस्पर्धी नेपाल कम्युनिष्ट पार्टी (माओवादी केन्द्र) की उम्मेदवार जानकी कुमारी सिंहले ८ हजार ३०८ मत ल्याएकी छन् ।