काठमाडौं । नेपाल इन्स्योरेन्सले कम्पनीको वार्षिक साधारण सभा आउँदो जेठ ३० गते गर्ने भएको छ । उक्त साधारण सभा कम्पनीले नेपाल पर्यटन बोर्ड प्रदर्शनीमार्गमा बिहान ११ बजेबाट गर्न लागेको जनाएको छ ।

साधारण सभामा कम्पनीले आर्थिक वर्षको नाफाबाट ११ प्रतिशत बोनस सेयर र कर तिर्न ०.५७८ प्रतिशत लाभांस वितरण गर्ने भएको छ । त्यस्तै कम्पनीले सञ्चालक समितिमा प्रतिनिधित्व गर्न संस्थापक र सर्वसाधारण सेयरधनी समूहबाट दुई/दुई जना सञ्चालकको निर्वाचान गर्ने, अधिकृत पुँजी दुई अर्ब रुपैयाँबाट बढाएर दुई अर्ब ६० करोड रुपैयाँ पुर्याउने, सञ्चालक समिति र उप समितिको बैठक भत्ता र सुविधा पुनरावलोकन गर्ने अदि प्रस्ताव पेश गर्ने भएको छ ।

साधारण सभाका लागि कम्पनीले जेठ १७ गतेदेरखि बुक क्लोज गरेको थियो । सोही अनुसार जेठ १६ गतेसम्म कायम रहने सेयरधनीले मात्रै सभामा लाभांस प्राप्त गर्न पाउने कम्पनीले जनाएको छ ।

चालु आर्थिक वर्षको तेस्रो त्रैमाससम्म कम्पनीले १७ करोड ९४ लाख ६२ हजार रुपैयाँ खुद नाफा कमाएको छ ।