काठमाडौं । बलिउड अभिनेता सलमान खान नेपाल आउने तय भएको कार्यक्रम स्थगित भएको छ ।

आगामी जेठ १४ गते काठमाडौंको दशरथ रंगशालामा हुन लागेको दबंग टुर रिलोडड अन्तिम समयमा आएर स्थगित भएको हो ।

ओडिसी इन्टरटेनमेन्टको आयोजनामा हुने कार्यक्रमका लागि अभिनेता खानलाई नेपाल ल्याउन लागिएको थियो ।

कार्यक्रम रोकिएकोबारे आयोजकले औपचारिक जानकारी दिएको छैन । तर, शनिबार कार्यक्रम नहुने निधो भइसकेको स्रोतले बताएको छ ।

स्थानीय तह चुनावका कारण टिकट बिक्रीमा परेको प्रभाव र वर्षात्का कारण हाललाई कार्यक्रम स्थगन गरिएको आयोजकमध्येका एक सदस्यले बताए ।

उनका अनुसार अन्य भारतीय कलाकारसँग छलफल गरेर अर्को मिति चाँडै तय गरिने छ ।

स्थगित भएको जानकारी दिन चाँडै विज्ञप्ति जारी गर्ने तयारीसमेत भएको स्रोतले जनाएको छ ।

सलमानको कार्यक्रममा शिव र सुवानीसँगै १४ भन्दा बढी कलाकारको प्रस्तुति – NepalWatch