कामनपा अपडेट
२२६३८ मत गणना हुन बाँकी छँदा बालेनलाई २०११० को अग्रता
काठमाडौं । काठमाडौं महानगरपालिकामा २२६३८ मत गणना हुन बाँकी छँदा मेयरका स्वतन्त्र उम्मेदवार बालेन साहले आफ्नो अग्रता २०११० बनाएका छन् ।
प्राप्त पछिल्लो मत परिणामअनुसार, साहले ५४७१८ मत हासिल गरेका छन् । उनलाई नजिकबाट पछ्याइरहेकी सिर्जना सिंहको पक्षमा ३४६०८ मत खसेको छ । साहर सिंहबीचको मतान्तर २०११० छ ।
एमालेका केशव स्थापित तेस्रो स्थानमा छन् । उनले हालसम्म ३३९७५ मत प्राप्त गरेका छन् ।
काठमाडौं महानगरपालिकामा १ लाख ९१ हजार १२५ मत खसेको थियो । जसमध्ये १ लाख ६८ हजार ४८७ मत गणना भइसकेको छ ।
बालेनले प्राप्त गरेको मतको रफ्तार र गणना हुन बाँकी मत विश्लेषण गर्दा उनको जित अब करिब करिब सुनिश्चितजस्तै देखिएको छ ।
प्रतिक्रिया