‘लन्डन टु पेरिस’ डेब्यू गर्ने गरिमाको तयारी

नेपालवाच २०७९ जेठ १३ गते ११:१७

काठमाडौं । टिकटकबाट उदाएर म्यूजिक भिडियोमा छाइरहेकी मोडल गरिमा शर्माले फिल्म ‘लण्डन टु पेरिस’बाट अभिनेत्रीको रुपमा डेब्यू गर्न लागेकी छन् । निर्माण समूह र गरिमाबीच सम्झौता भइसकेको छ ।

फिल्ममा निर्देशक घनश्याम लामिछाने रहेका छन् । गरिमाबाहेक अभिनेत्री साम्राज्ञी राज्यलक्ष्मी शाह पनि रहेकी छन् । फिल्मको फर्स्टलुक केही दिनमा सार्वजनिक गरिनेछ ।

एबी इन्टरनेशनलले निर्माण गर्न लागेको फिल्म असारबाट बेलायत र फ्रान्समा छायांकन हुनेछ । फिल्मको कथा, पटकथा तथा संवाद प्रदीप भारद्धाजले लेखेका हुन् ।