अभिनेत्री दिया पुनले सगरमाथा आरोहण गरिन्

नेपालवाच २०७९ जेठ १४ गते १०:४६

काठमााडौं । अभिनेत्री दिया पुनले सगरमाथा हिमालको सफल आरोहण गरेकी छन् । दियासहित २० जनाकाे टाेलीले शुक्रबार बिहान सगरमाथाको चुचुरोमा पाइला टेकेका हुन् ।

सगरमाथामा दियाले राष्ट्रिय झन्डा फहराएकी थिइन् । सगरमाथा आरोहणपछि उनीसहितको टोली सुरक्षित रुपमा साउथ कोलमा फर्किसकेको छ ।

बेलायतमा अवस्थित राष्ट्रिय स्वास्थ्य सेवा (एनएचएस) च्यारिटी टुगेदर, कोलचेष्टर अस्पताल च्यारिटी र नेपालस्थित चिल्ड्रेन एण्ड युथ फर्स्टलाई आर्थिक सहयोग संकलन गर्ने उद्देश्यले दियाले सगरमाथाको आरोहण गरेकी हुन् ।

दियाले यसअघि मनास्लु र अर्जेन्टिनाकाे माउन्ट ओकुनकागवा पनि आरोहण गरिसकेकी छन् ।