काठमाडौं । तारा एयरको जहाज दुर्घटनासम्बन्धमा नियामक निकाय नेपाल नागरिक उड्डयन प्राधिकरणले छानबिन समिति गठन गर्ने भएको छ ।

उद्धार कार्य सकिएपछि दुर्घटनाको कारण पत्ता प्राधिकरणले छानबिन समिति गठन गर्ने प्राधिकरणका प्रवक्ता तथा उपमहानिर्देशक देवचन्त्रलाल कर्णले जानकारी दिए ।

‘उद्धारको काम सकिनासाथ प्राधिकरणले दुर्घटनाको छानबिनका लागि समिति गठन गर्नेछ,’ कर्णले भने ।

जोमसोमका लागि आइतबार बिहान ९ बजेर ५५ मिनेटमा पोखराको धवानमार्ग छोडेको ताराको ९ एनएइटी कलसाइनको जहाज त्यसको केही मिनेटपछि नै सम्पर्कविहीन भएको थियो । लगत्तै खोजबिन सुरु गरिएपनि आइतबार अबेरसम्म फेला पर्न सकेको थिएन ।

सोमबार बिहान जहाज मुस्ताङस्थित थासाङ गाविस वडा २ को सानोसरेमा १४ हजार ५ सय फिटमा दुर्घटनाग्रस्त अवस्थामा फेला परेको हो ।