काठमाडौं । काठमाडौं महानगरपालिकाका नवनिर्वाचित मेयर (प्रमुख) बालेन शाहले नेपाली सेनाका प्रधानसेनापति प्रभुराम शर्मासँग भेटवार्ता गरेका छन् ।

मेयरको सपथ लिएर कार्यभार सम्हालेलगत्तै भद्रकालीस्थित सैनिक मुख्यालयमा गएर उनले प्रधानसेनापतिलाई भेटेका छन् ।

भेटमा मेयर शाहले बिपत् व्यवस्थापनलगायत राष्ट्रिय सुरक्षामा नेपाली सेनाले पुर्याएको योगदानको पशंंसा गरेका थिए ।

यस्तै प्रधानसेनापति शर्माले मेयर शाहलाई कार्यकाल सफलताको शुभकामना व्यक्त गरेका थिए ।

भेटवार्तामा दुवैले आगामी दिनमा महानगरपालिका र नेपाली सेनाबीच सहकार्य गर्ने प्रतिबद्धता व्यक्त गरेको बताइएको छ ।

बालेनको पहिलो निर्णय : नगरकार्यपालिकाको बैठक प्रत्यक्ष प्रशारण – NepalWatch