जुकरवर्गपछिकी शक्तिशाली स्याण्डबर्गले छाडिन् फेसबुक
काठमाडौं । फेसबुकको मातृ कम्पनी मेटाकी चिफ अपरेटिङ अफिसर (सिओओ) सेरिल स्याण्डवर्ग यससँगको आबद्धताबाट अलग भएकी छन् । उनी फेसबुकको दोस्रो शक्तिशाली व्यक्ति मानिन्थिन् ।
सेरिलले फेसबुकमा एक पोस्ट् लेख्दै मेटाको जिम्मेवारीबाट आफू अलग भएको जनाएकी छन् ।
सोचेभन्दा लामो समय फेसबुकमा बसेको बताउने उनको आगामी दिनमा परोपकारीलगायत कार्यमा केन्द्रित रहने योजना छ ।
सेरिल प्रविधि क्षेत्रमा हाइप्रोफाइल महिलामध्येकी एक मानिन्छिन् । उनले १४ वर्षअघि फेसबुकको यो जिम्मेवारी ग्रहण गरेकी थिइन् ।
मेटाबाट सेरिलको त्यतिबेला बहिर्गमन भएको छ जतिबेला मेटाले विज्ञापनमा मन्दी र टिकटकजस्ता प्रतिद्वन्द्वीहरूको सामना गरिरहेको छ ।
तर सेरिलले फेसबुकसँगको आफ्नो आबद्धता सोचेभन्दा निकै लामो हुन पुगेको बताएकी छन् । ‘जब म सन् २००८ मा यो काममा आबद्ध हुन पुगेकी थिएँ, त्यतिबेला मैले
त्यहाँ पाँच वर्ष मात्र रहन्छु होला भन्ने सोचेकी थिएँ,’ उनले भनेकी छन्, ‘१४ वर्षपछिको यो समय जीवनको अर्को अध्याय कोर्नका लागि हो ।’
सन् २०१५ मा अचानक श्रीमानको मृत्युपछि एक्लो रहेकी स्याण्डवर्गले यही समरमा अर्को विवाह गर्दैछिन् ।
स्याण्डवर्ग अलग भएपछि जेभिएर ओलिभनले उनको जिम्मेवारी सम्हालेको बिबिसीले लेखेको छ । ओलिभन मेटाका चिफ अफिसर हुन् । उनी भर्खंरै मात्र यो जिम्मेवारीमा अनुबन्ध भएका थिए ।
ताजा अपडेट
-
उपेन्द्र यादबले सरकार छाड्दै, मन्त्रिपरिषद् पुर्नगठनको तयारीमा प्रधानमन्त्री
-
चेन्नईको जितसँगै आइपिएलको ‘प्लेअफ’ समिकरण प्रतिस्पर्धा रोचक बन्दै
-
कलंकी नापीका कर्मचारी भ्रष्टाचारी ठहर
-
विकल पौडेलविरुद्ध ४० करोड भ्रष्टाचारको मुद्दा दायर
-
प्रहरीका उच्च अधिकारीको बढुवा र पदस्थापनमा
प्रतिक्रिया