सुनको मूल्य ९०० रूपैयाँ बढ्यो

ट्राफिक कारबाहीमा एकै दिन २२ लाख ७६ हजार राजस्व संकलन

नेपालवाच २०७९ जेठ २० गते १०:५७

काठमाडाैं । साताको अन्तिम दिन शुक्रबार सुनको मूल्य तोलामा ९ सय रूपैयाँ बढेको छ । नेपाल सुन चाँदी व्यवसायी महासंघका अनुसार बिहीबार ४०० रुपैयाँले बढेर ९७ हजार ६०० रुपैयाँ कायम भएकोमा शुक्रबार ९८ हजार ५ सय रूपैयाँमा कारोबार भइरहेको हो ।

यसैगरी बिहीबार तेजावी सुनको मूल्य तोलाको ९७ हजार १०० रुपैयाँ तोकिएकोमा शुक्रबार ९८ हजार कायम गरिएको छ । शुक्रबार चाँदी प्रतितोला २५ रुपैयाँले बढेर १२ सय ९० रूपैयाँमा कारोबार भइरहेको महासंघले जनाएको छ ।

बिहीबार चाँदी प्रतितोला १२ सय ६५ रुपैयाँ कायम भएको थियो ।