काठमाडौं (एजेन्सी) । बंगलादेशको दक्षिणपूर्वी सहरको एक डिपोमा विस्फोट हुँदा कम्तीमा पाँच जनाको मृत्यु भएको छ । दर्जनौं घाइते छन् ।

सीताकुण्ड सहरमा रहेको कन्टेनर भण्डारण केन्द्रमा आगो निभाउन दमकल बोलाएपछि विष्फोट भएको हो ।

बिबिसीका अनुसार, घाइतेमध्ये २० को अवस्था गम्भीर छ । उपचारमा संलग्न चिकित्सकले एएफपीलाई बताएअनुसार, उनीहरूको शरीरका ६० देखि ९० प्रतिशत भाग आगोले जलेको छ ।

अहिलेसम्म आगलागीको कारण खुलेको छैन ।

डिपोमा राखिएका केही कन्टेनरमा केमिकल स्टोर गरी राखिएको विश्वास गरिएको स्थानीय सञ्चारमाध्यमले जनाएका छन् ।

स्थानीय समाचार आउटलेट प्रोथोमालोका अनुसार विस्फोटले नजिकैका धेरै भवनका झ्यालहरू चकनाचुर पारेको छ । विस्फोट ४ किलोमिटर टाढासम्मको क्षेत्रमा महसुस गरिएको बताइएको छ।