पोर्चुगलमा बेपत्ता भएका युवक मृत भेटिए

नेपालवाच २०७९ जेठ २८ गते १०:५४

काठमाडौं । गत अप्रिल १५ देखि पोर्चुगलमा हराइरहेका एक युवकको शव पोर्चुगलको समुद्रमा भेटिएको छ ।

नुवाकोट बेलकोटगढी-१२ स्थायी घर भएर पाेर्चुगल बस्दै आएका सुजन सिलवालको शव बिहीबार भेटिएको एनआरएनए पोर्चुगलले जनाएको छ ।

सिलवालको शव पोस्र्टमार्टमका लागि अस्पतालमा राखिएको छ । रोजगारीको सिलसिलामा सिलवाल ७ वर्ष अघि पोर्चुगल पुगेका थिए । उनको के कति कारणले मृत्यु भएको हो भन्ने बारे अनुसन्धान भइरहेको बताइएको छ ।