काठमाडौं । राजस्व अनुसन्धान विभागका महानिर्देशक प्रकाश पौडेलको सरुवा भएको छ ।

नियुक्त भएको ९ महिनापछि उनलाई संघीय मामिला तथा सामान्य प्रशासन मन्त्रालयमा सरुवा गरिएको हो । त्यसअघि उनी वाणिज्य, आपूर्ति तथा उपभोक्ता संरक्षण विभागको महानिर्देशक थिए ।

उनको कार्यअवधीभर विभागले ६९ वटा मुद्दा दर्ता गरेको छ भने त्यसबाट १० अर्ब बढी बिगो जरिवाना तोकिसकेको विभागले जनाएको छ । यो अवधीभर ४६ वटा विदेशी विनिमय अपचलनमा मुद्दा दायर भएको छ । त्यस्तैगरि ७८ जना प्रतिवादी रहेको उक्त मुद्दामा एक अर्ब १० करोड २१ लाख ४७ हजार सात सय ८४ रुपैयाँ बिगो माग दाबी गरिएको छ ।

पौडेलको कार्यकालमा विभागले ६ सय ६८ वटा सवारीलाई भीसीटीएसमा कारवाही गरेको छ । यसबाट तीन करोड ४३ लाख २६ हजार ६ सय राजश्व संकलन भएको छ ।