सुनको मुल्य घट्यो, चाँदी स्थिर

चितवन: दसैँमा ३० करोडभन्दा बढीको खसी-बोकाको व्यापार हुने अनुमान

नेपालवाच २०७९ असार १ गते ११:१७

काठमाडौं । बुधबार सुनको मूल्य ६ सय रुपैयाँले घटेर प्रतितोला ९६ हजार ५ सय रुपैयाँमा कारोबार भइरहेको सुनचाँदी व्यवसायी महासंघले जनाएको छ ।

मंगलबार सुन प्रतितोला ९७ हजार एक सय रुपैयाँमा कारोबार भएको थियो । त्यस्तै आज तेजावी सुन अघिल्लो दिनको तुलनामा ६ सय रुपैयाँले घटेर प्रतितोला ९६ हजार रुपैयाँमा कारोबार भइरहेको हाे ।

तेजावी सुनको मूल्य मंगलबार ९६ हजार ६ सय रुपैयाँ कायम भएको थियो । महासंघका अनुसार आज चाँदीको मूल्य स्थिर छ । मंगलबार प्रतितोला एक हजार २४५ रुपैयाँमा कारोबार भएको चाँदी आज सोही मूल्यमा कारोबार भइरहेको छ ।