काठमाडौं । विवाह गर्ने उमेर २० वर्ष राख्दा अपराध बढेको र बाल विवाहमा सजाय भइरहेको भन्दै कानुन, न्याय तथा संसदीय मामिलामन्त्री गोविन्दप्रसाद शर्मा कोइरालाले विवाहको उमेर घटाउने कानुन संशोधन प्रक्रिया थालिएको बताएका छन् ।

बुधबार भएको प्रतिनिधिसभाको बैठकमा कानुन मन्त्रालयका लागि विनियोजन गरिएको बजेटमा सांसदहरुले उठाएका प्रश्नको जवाफ दिने क्रममा मन्त्री शर्माले विवाहको उमेर घटाइने बताएका हुन् ।

‘विवाहको उमेर १८ बनाउनेबारे अध्ययन भइरहेको छ । १६ वर्षमा नागरिकता पाउँछ । १८ वर्षमा भोट हाल्न पाउँछ । २० वर्षमा विवाह भन्ने कानुन छ, विवाह गर्न २० वर्ष कुर्नुपर्ने अवस्था कुनै पनि स्ट्यान्डर्डले देखाउँदैन । यसले बरु अपराध बढाउने काम भइरहेको छ । बालविवाहमा सजाय भइरहेको छ’, उनले भने ।

प्रचलित कानुनमा विवाह गर्ने उमेर २० वर्ष ताेकिएकाे छ ।