दमौली । बिहीबार बिहान पृथ्वीराजमार्ग सडक खण्डअन्तर्गत तनहुँको आँबुखैरेनी-४ स्थित पावर हाउसनजिकको रुवाखेला पुलबाट टिपर तल खस्दा चालकको मृत्यु भएको छ ।

दुर्घटनामा परि म्यादेका ४७ बर्षीय रामबहादुर दमैको मृत्यु भएको जिल्ला प्रहरी कार्यालय तनहुँले जनाएको छ ।

गम्भिर घाईते भएका दमैको उपचारका क्रममा मेडिकल कलेज चितवनमा मृत्यु भएको हो ।

मुग्लिनबाट आबुँखैरेनी आउँदै गरेको ग १ क ४४६९ नम्बरको मिनि टिपर अनियन्त्रित भई पुलबाट खोलामा खसेको थियो ।