काठमाडौं । पर्यटनमन्त्री प्रेम आलेले नेपाल एयरलायन्स (एनएसी) का अध्यक्ष युवराज अधिकारीलाई आफ्नो कार्यकक्षमा बोलाएर हातपात गरेका छन् ।

फोहोरी गाली गर्दै धकेल्न थालेपछि त्यहाँ रहेको तेस्रा व्यक्तिले रोकेको अन्नपूर्ण पोस्ट् दैनिकमा खबर छ ।

पर्यटन मन्त्रालय उच्च स्रोतका अनुसार मन्त्री आलेले नेपाल एयरलाइन्समा ठूलो मात्रामा मान्छे राख्न अह्राएका थिए । अध्यक्ष अधिकारीले केहीलाई जागिर लगाइसकेका थिए । केहीलाई लगाउने प्रक्रियामा थिए ।

मन्त्री निरन्तर ताकेतामा मात्र थिएनन्, तुरुन्त राखी दिन धम्क्याउँदै आएका थिए । स्रोत भन्छ– अधिकारीले तलबाट दरबन्दी बनाउन टिप्पणी आउन बाँकी रहेको कारण देखाएका थिए ।