खाना खान नक्कली हत्यारा बनेर जेलमा
काठमाडाैं । एक व्यक्ति खानाका लागि नक्कली हत्यारा बनेर जेल गएका छन् ।
भारतको कोलकतामा प्रहरी भएको ठाउँमा पुगेर शुभाशीष चक्रवर्ती नाम गरेका युवकले आफ्नो दाजुको हत्या गरेको स्वीकार गरेका थिए । उनले दाजुको हत्या गरेको भन्दै प्रहरीसँग आत्मसमर्पण गरेर आफूलाई जेल लैजान भनेका थिए ।
तर जब प्रहरीले मृतक शरीरको पोस्टमार्टम गराए उक्त रिपोटमा मृतकको हत्या नभई बिरामी भएर मृत्यु भएको खुल्न आयो ।
उक्त रिपोर्टपछि प्रहरीको सोधखोजमा दाजुको हत्या नगरेको र निशुल्क खानाका लागि उनले दाजुको हत्या गरेको बहाना बनाएको बताएका छन् ।
उनका अनुसार मृतक दाजुले मर्नु भन्दा अघि उनलाई सो सल्लाह दिएका थिए ।
भाइ बेरोजगार भएको र आर्थिक अवस्था नाजुक भएका कारण उनले भाइलाई त्यस्तो सल्लाह दिएको अनुसन्धानको क्रममा खुल्न आएको छ ।
उनीहरुका आमाको केही समयअघि मृत्यु भएको थियो । आमाले नै दुवै छोराको रेखदेख गर्थिन् ।
दाजुलाई केही समय देखि स्वास्थ्यमा समस्या आएको थियो । उनले आफ्नो स्वास्थ्य अवस्था बिग्रिदै गएपछि भाइको गुजारा चलाउन सजिलो होस भनेर सल्लाह दिएका थिए ।
प्रतिक्रिया