काठमाडौं । विवादित अमेरिकी स्टेट पार्टनरसिप प्रोग्राम (एसपिपी) अस्वीकार गर्ने जानकारी गराउँदै नेपाल सरकारले पत्र लेख्ने भएको छ ।

आज बसेको मन्त्रिपरिषद् बैठकले एसपिपी अस्वीकार गर्ने विवरणसहित अमेरिकालाई पत्र लेख्ने निर्णय गरेको एक मन्त्रीले बताए ।

एसपिपीमा सहभागी गराउन भन्दै सन् २०१५ तिर तत्कालीन नेपाली सेनाले अमेरिकालाई पत्र लेखेर थियो । सो विषय सरकारले लागू गर्ने तयारी गरेपछि नेपालमा चर्को विवादमा परेको थियो ।

सेनाको अनुरोध सन् २०१९ मा स्वीकार गरिएको काठमाडौंस्थित अमेरिकी दूतावासले उल्लेख गरेको थियो ।

तर उक्त कार्यक्रम अमेरिकाको सैन्य रणानीति अन्तर्गतको भएको हुनाले नेपाल सहभागी हुन नहुने आवाज उठेपछि सरकार पछि हटेको हो ।