काठमाडौं । फ्रान्सका राष्ट्रपति इमानुएल म्याक्रोँले विपक्षी दलसँग सहकार्यको रणनीति अघि सारेका छन् ।

राष्ट्रपतिको निर्वाचित भएको दुई महिना नपुग्दै तल्लो सदनमा बहुमत गुमाएपछि दबाबमा परेका म्याक्रोँ विपक्षीको शरणमा पुगेका हुन् ।

अघिल्लो निर्वाचनमा स्पष्ट बहुमत ल्याएको म्याक्रोँको दल सम्बद्ध गठबन्धन यसपटक बहुमतभन्दा वर नै रोकिएको छ ।

संसदमा बहुमत गुमाएका म्याक्रोँले मंगलबार विपक्षी दलका नेतासँग आफूमाथि परेको संकट मोचन निम्ति भेट गर्न लागेको बिबिसीले लेखेको छ । तर न मारिल ले पेन नेतृत्वको अति वामपन्थी न त ग्रीन पार्टी गठबन्धन नै म्याक्रोँसँग काम गर्न उत्सुक छन् ।

म्याक्रोँको सरकारलाई बहुमत जुटाउन ४४ सिट आवश्यक परेको छ ।

फ्रान्समा अल्पमतको सरकार बनेको घटना दुर्लभ छ । तर यसपटक म्याक्रोँको दल र विपक्षी कुनैलाई पनि जनताले बहुमत दिएनन् ।